YFIRLIT

LÝSING

Berglind Hólm lgfs. og RE/MAX kynna: Glæsilegt og sérlega vel skipulagt einbýlishús í neðstu línu á jaðarlóð í Dalaþingi í Þingahverfi Kópavogs. Glæsilegt útsýni er af efri hæðinni út á Elliðavatnið og yfir í fallegt gróið svæði með stórum trjám sem mynda gott skjól fyrir húsið. Húsið er einstakt fjölskylduhús með 6-7 svefnherbergjum, þremur baðherbergjum (öll með baðaðstöðu), stóru alrými sem rúmar borðstofu, setustofu og eldhús, rúmgott sjónvarpshol, fjölskyldu/hobby herbergi, 2 stórar geymslur (möguleiki að útbúa heimarækt í annari þar sem hægt er að setja loftun), þvottaherbergi og bílskúr. Fyrir framan húsið er stórt bílaplan með snjóbræðslu. Stór verönd er á tvo vegu við húsið og er pallinum skipt niður i þrjú góð svæði með steyptum skjólveggjum. Mjög auðvelt er að útbúa auka íbúð á neðri hæð hússins. Sérinngangur með góðri forstofu er á neðri hæðinni og hægt er að keyra að húsinu einnig þeim megin að.
Gólfhiti er í efri hæð hússins og stærstum hluta neðri hæðar. Innréttingar eru frá HTH með leðurgranít borðplötum frá S.Helgason ehf. Parketflísar frá Álfaborg eru á öllu húsinu (einnig á bílskúr), tæki í eldhúsi eru frá Ormsson (AEG og Airforce). Á veröndinni er heitur pottur frá Trefjum með hitastýrikerfi í bílskúr.
 
Allar nánari upplýsingar veitir Berglind Hólm lögg.fasteignasali í síma 694-4000 eða [email protected]
 
Nánari lýsing eignar:
Efrihæð (jarðhæð framan við húsið) :
Forstofa: Komið er inn í góða forstofu með parketflísum á gólfi og stórum þreföldum fataskáp sem nær veggja á milli og upp í loft.
Alrými: (borðstofa, setustofa og eldhús)
Borðstofan og setustofan eru saman í stóru opnu rými með mikilli lofthæð og stórum gólfsíðum gluggum sem snúa í áttina út að Elliðavatninu. Á gólfi eru parketflísar og útgengt er frá setustofunni út á svalir sem liggja þvert með fram norðurhlið hússins.
Eldhúsið er opið að hluta yfir í átt að stofurýminu en er í sérrými sem stúkað er aðeins frá. Stór innrétting er í vinkil með neðri skápum + stórum tækjavegg sem nær upp í loft. Eyjan er einnig sérlega stór með spanhelluborði í yfirstærð og gufugleypi sem gengur niður í borðplötuna. Skápar eru í svartbæsuðum eikarspón með leðurgranítborðplötu. Góðir gluggar og parketflísar á gólfi.
Aðalbaðherbergi: Baðherbergi með parketflísum á gólfi og mjög fallegum útskornum steinflísum á öllum veggjum nema einum. Stór sturta með skyggðu gleri er beint á gólf með innbyggðum Grohe blöndunartækjum. Innréttingin er góð með 6  skúffum og leðurgranítborðplötu. Stór gólfsíður gluggi er í enda rýmisins.
Hjónasvíta: (Svefnherbergi, baðherbergi, fataherbergi)
Svefnherbergið er stórt með fallegum gólfsiðum gluggum og parketflísum á gólfi.
Fataherbergi er inn af svefnherberginu með góðri innréttingu, hengi, skúffum og hillum.
Baðherbergi er einnig inn af hjónaherberginu. Góð sturta er beint á gólf með glervegg. Hvít innrétting er undir vaski með hvítri steinborðplötu. Parketflísar eru á gólfi og fallegum útskornum steinflísar eru á hluta af veggjum. Opnanlegur gluggi.
Barnaherbergi / skrifstofuherbergi: Á hæðinni er eitt auka barnaherbergi með parketflísum á gólfi og tvöföldum fataskáp sem nær upp í loft.
Þvottaherbergi: Á milli bílskúrs og húss er gengið í gengum mjög vel útbúið þvottaherbergi með mikilli og góðri innréttingu með vinnuvaski. Gert er ráð fyrir 2 stk þvottavélum og svo þurrkara í vinnuhæð.
Bílskúr: Bílskúrinn er með parketflísum á gólfi, gólfhita, góðum geymsluskápum og gluggum. Sjálfvirkur bílskúrshurðaopnari er á hurð. Hægt er að ganga í gegnum inngönguhurð inn í skúrinn utan frá og einnig er hægt að ganga úr bílskúrnum í gegnum þvottaherbergið og þaðan inn í eignina.
 
Neðri hæð: (jarðhæð baka til)
Opið er á milli efri og neðri hæðar og gengið niður steyptan stiga með parketflísum á þrepum. Auðvelt er að loka á milli hæða og útbúa auka íbúð í allri eða hluta af neðri hæðinni. Sérinngangur er inn í neðri hæðina á bakhlið hússins og sér anddyri.
Forstofa: Hægt er að ganga inn á neðri hæðina beint inn um auka inngang á neðri hæðinni. Gengið er inn í rúmgóða forstofu með parketflísum á gólfi og góðum tvöföldum fataskáp.
Sjónvarpshol: Stórt sjónvarpshol er í miðju neðri hæðarinnar þegar komið er niður stigann og einnig beint inn af forstofunni á neðri hæð.
4-5 x svefnherbergi: Á hæðinni eru 4 – 5 svefnherbergi öll með parketflísum á gólfi. Fataskápar eru í tveimur af herbergjunum. Minnsta herbergið er skráð sem auka geymsla á teikningum en á því er góður gluggi.
Baðherbergi: Glæsilegt baðherbergi er á hæðinni í sama stíl og aðalbaðherbergið á efri hæð. Baðherbergi með parketflísum á gólfi og mjög fallegum útskornum steinflísum á öllum veggjum nema einum. Stór sturta með skyggðu gleri er beint á gólf með innbyggðum Grohe blöndunartækjum. Innréttingin er góð með 6  skúffum og leðurgranítborðplötu. Stór gólfsíður gluggi er í enda rýmisins.
Fjölskylduherbergi: fyrir innan sjónvarpsholið er stórt fjölskylduherbergi / hobbyherbergi.
2 x geymsla: Tvær stórar geymslur án glugga eru inn af fjölskylduherberginu á neðri hæð. Önnur er með möguleika á að setja góðu loftun og var hugsuð fyrir til dæmis heima líkamsrækt. 
 
Húsið er vandað og sérlega gott fjölskylduhús á fallegri jaðarlóð við Elliðavatnið. Stutt er í Vatnsendaskóla, leikskóla, íþóttamiðstöð Kórinn og matvöruverslun. Einstakar gönguleiðir eru í nánasta nágrenni, göngu-, hjóla- og reiðleiðir við Elliðavatn og upp í Heiðmörk svo eitthvað sé nefnt.
 
Allar nánari upplýsingar veitir Berglind Hólm lögg.fasteignasali í síma 694-4000 eða [email protected]