220, Hafnarfjörður

Birkihvammur 2

128.500.000 KR
Einbýli
8 herb.
241 m 2

YFIRLIT

  • Tegund Einbýli
  • Stærð 241 M²
  • Herbergi 8
  • Stofur 3
  • Svefnherbergi 5
  • Baðherbergi 3
  • Inngangur Sér
  • Byggingarár 1952
  • Lyfta Nei
  • Bílskúr

LÝSING

REMAX kynnir: Fallegt og virkilega vandað einbýlishús(241,5 fm), með fimm svefnherbergjum og rúmgóðum bílskúr (innangengt úr íbúð) við Birkihvamm 2 í Hafnarfirði. Virkilega fjölskylduvæn eign með 5 svefnherbergjum á góðum stað með útsýni og fallegum garði með palli (200 fm), skjólveggjum og heitum potti.  Umhverfis húsið er stór gróinn og sólríkur garður með fallegum gróðri og leiksvæði. Eign sem hægt er að mæla með. 
Frekari upplýsingar um eignina veitir Guðrún Þórhalla, löggiltur fasteignasali í síma 820-0490 eða á netfangið [email protected]

NÁNARI LÝSING: Eignin er samtals 241,5,7 fm skv. Þjóðskrá Íslands og skráð fimm herbergja sem skiptast í: íbúðin (216,6 fm) er á þremur hæðum og skiptist í anddyri / hol, sjónvarpsherbergi , eldhús, stofu, borðstofu, gang, fimm svefnherbergi, tvö baðherbergi, gestasnyrtingu, þvottahús, geymslu, innangengt í bílskúr og góðar svalir úr hjónaherbergi. Bílskúrinn (24,9 fm) er snyrtilegur og með rafmagnshurðaropnun. 

 
Miðhæð, (82,7 fm). (Aðalinngangur)
Anddyri og gangur:
Flísar á gólfi og rúmgóður fataskápur. Þaðan er farið inn í önnur rými miðhæðar og upp glæsilegan stiga á efri og neðri hæð eignar.
Eldhús: Fallegt og bjart með góðri innrétting úr kirsuberjavið með góðu skápaplássi upp í loft og sökkull er að hluta til með skúffum, bakaraofn með sjálfshreinsibúnaði í vinnuhæð. Ljóst granít á borðplötu ásamt loki yfir vaski. Span helluborð og innbyggð uppþvottavél. Góður borðkrókur. Flísar á gólfi.
Stofa og borðstofa: Saman í opnu og björtu rými með fallegum gluggum, parketi á gólfi.  Fallegir loftlistar og rósettur setja mikinn svip á þetta rými. 
Herbergi I: Rúmgott og bjart með parketi á gólfi og góðum skápum.
Gestasnyrting: Með fallegri rennihurð, flísar á gólfi og upphengdu salerni.

Neðri hæð, (90,0 fm).
Af neðri hæðinni er innangengt í bílskúrinn og þar er útgengt út í garð.
Gangur:
með rúmgóðum fataskáp og parketi á gólfi. Þaðan er farið inn í önnur rými neðrihæðar, gengið upp á miðhæð og inn í bílskúrinn.
Herbergi II: með parketi á gólfi.
Herbergi III: með parketi á gólfi og góðum skápum.
Sjónvarpsherbergi: Rúmgott með parketi á gólfi og útgengt (vængjahurð) út í garð með viðarpalli fyrir framan. 
Baðherbergi: Flísalagt gólf og sturta. Góð sturta með gólfsíðu gleri, hvít rúmgóð innrétting, upphengt salerni og opnanlegur gluggi.
Þvottahús: Rúmgott með hvítri innréttingu, tengi fyrir þvottavél og þurrkara, gott vinnuborð, vaskur, snúrur og aðgengi út á stétt að framanverðu. Úr þvottahúsi er innangengt  í geymslu þar sem öll inntökin eru.

Efri hæð, (43,2 fm):
Gólfhiti á allri hæðinni

Stigi: Fallegur stigi með mahony þrepum, millipöllum og handriði.
Herbergi IIII:
Rúmgott með parketi á gólfi, fallegum glugga og rúmgóðri innréttingu með skúffum – mjög gott vinnupláss.
Gangur: Bjartur og breiður með fallegum glugga með útsýni yfir Hafnarfjarðarhöfn.
Hjónasvíta IV: Mjög rúmgóð og björt hjónasvíta þar sem er útgengt út á svalir með fallegum vængjahurðum. Rennihurð aðskilur svefnrými frá fataherbergi. Fataherbergið er mjög rúmgott og með ljósum innréttingum. 
Baðherbergi er innaf svefnherbergi með fallegum glugga. Flísar á gólfi og veggjum, sturta með gólfsíðu gleri og hornbaðkar með nuddi. Falleg innrétting úr kirsuberjavið með góðu skápaplássi og granít borðplötu. Upphengt salerni.
Hluti hæðar er undir súð og því er efri hæðin stærri en ferm. gefa til kynna.

- Gólfefni eignar:
Flísar og gegnheilt Jatopa viðarparket.
- Hurðar: Allar hurðar er úr mahonyvið.
- Stigi: Stigaþrep, millipallar og handrið er úr mahonyvið.
- Þak eignar var lyft og endurnýjað árið 2006 úr valmaþaki í svokallað mansardþak. Einnig var byggt við stigahús og tengt við bílskúrinn. Eignin hefur fengið mjög gott viðhald og endurbætur undanfarin ár.

Bílskúr – 24,9 fm: Góður bílskúr með flísum á gólfi, gluggum, heitu og köldu vatni, ofni, rafmagnsopnara fyrir bílskúrshurðina. Bílskúrinn er innangengur úr neðri hæð og með útgengi út í garð.
Köld geymsla undir útidyratröppum sem nýtist m.a. fyrir hjól.
Garður: Umhverfis húsið er gróinn og fallegur garður með viðarpöllum og skjólveggjum að hluta og með fallegum gróðri. Stór timburverönd með heitum pott er með góðu aðgengi. Leiksvæði er í garðinum með rólum og barnahúsi. Í garðinum er lítið garðhús fyrir garðáhöld og sláttuvél. Garður var allur endurnýjaður af núverandi eigendum.


Sérlega fallegt og viðhaldslítið einbýlishús steinklætt (m.a. með hrafntinnu) á fallegum útsýnisstað í nálægð við miðbæ Hafnarfjarðar og höfnina, stutt í sundlaug og fallegar gönguleiðir. Um er að ræða mjög góða eign sem hentar vel stórri fjölskyldu.
 
Allar nánari upplýsingar um eignina veitir Guðrún Þórhalla Helgadóttir síma 820-0490, [email protected]

Gjöld sem kaupandi þarf að standa straum af vegna kaupanna: 

1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.