Berglind Hólm lgfs. og RE/MAX kynna: ** Íbúð laus til afhendingar við kaupsamning **
Lítil og falleg stúdíó íbúð með sérinngangi í góðu húsi við Hrísateig 8 í Laugardalnum. Íbúðin er öll endurnýjuð með nýlegu harðparketi á gólfi, nýlegri eldhúsinnréttingu og uppgerðu baðherbergi. Íbúðin skiptist í forstofuhol, eldhús, alrými sem er einnig svefnrými og baðherbergi. Töluvert hefur verið gert fyrir hús og lagnir á síðustu árum, sjá upptalningu hér neðar í texta. Húsið er frábærlega staðsett í Hrísateignum og stutt er í alla helstu þjónustu og skóla. Um er að ræða frábær kaup fyrir til dæmis fyrstu kaupendur eða sem fjárfestingu til útleigu. Gengið er inn í eignina um sérinngang á framhlið hússins. Allir gluggar og útihurðar eru endurnýjaðar nýlega ásamt því að búið er að steina húsið upp á nýtt. Innan síðustu 4ra ára hefur verið endurnýjaðar allar vatnslagnir innan íbúðar, ásamt ofnum, raflögnum og hluta af innveggjum.
Um áramótin 2025/2026 hækkar fasteignamat eignarinnar í 34.800.000kr.
Allar helstu upplýsingar veitir Berglind Hólm lögg.fasteignasali í síma 694-4000 eða berglind@remax.is
Nánari lýsing íbúðar:Bílastæði erum með fram húsinu við Hrísateig sem nýtast íbúum hússins. Fallegur garður er fyrir framan húsið og hellur leiða að íbúðinni. Gengið er niður 3-4 þrep að sérinngangi íbúðarinnar.
Forstofa: Komið er í í litla afstúkaða forstofu með harðparketi á gólfi.
Eldhús: Inn af forstofunni er endurnýjað eldhús með innréttingu í dökku viðarútliti á einn vegg með efri og neðri skápum. hægt er að vera með litið eldhús borð við glugga á móti innréttingunni. Harðparket er á gólfi.
Alrými / Svefnrými: Alrými er með harðparketi á gólfi og góðum glugga sem snýr til vesturs.
Baðherbergi: Baðherbergið er með ljósum fallegum flísum á gólfi og helstu veggjum. Dökk gráar flísar eru á vegg hjá salerni. Sturta er flísalögð með fallegri gler fellihurð með svörtum glerramma. Hvít innrétting er undir vaski. Gert er ráð fyrir að hægt sé að tengja minni tegund af þvottavél við hliðina á salerninu. Opnanlegur gluggi er i rýminu.
Helstu framkvæmdir sameignar* 2024 Steypt ruslatunnuskýli sett upp og aðkoma að inngangi 1. og 2. hæðar hellulögð.
* 2023 Drenlögn lögð á norðvesturhlið og upp með hliðum sitt hvorum megin.
* 2022 Húsið sprunguviðgert og þakkantur steyptur upp að nýju, húsið steinað að utan, allir gluggar og gler í húsinu endurnýjaðir ásamt svalahurðum á 1. og 2. hæð og útidyrahurðum á íbúðum í kjallara, útidyrahurð fyrir 1. og 2. hæð pússuð og lökkuð.
* 2021 Möl í innkeyrslu endurnýjuð.
* 2020 Þéttiefni borið á svalagólf á 1. og 2. hæð og mottur lagðar yfir, svalahandrið á svölum 1. hæðar endurnýjað og viðbygging sprunguviðgerð.
* 2006 Drenlögn lögð á suðausturhlið.
* 2005 Hattur settur á skorstein.
* 2004 Skolplögn undir húsi endurnýjuð.
* 1990-2000 Rafmagnstafla endurnýjuð fyrir allt húsið og allar íbúðir, ofnakerfi fyrir húsið endurnýjað með Danfoss ofnakerfi, og skolprör milli 1. og 2. hæðar endurnýjað ásamt því að skolprör milli kjallara og 1. hæðar var endurnýjað að stærstum hluta. Kalda-og heitavatnsinntak í húsið endurnýjað.
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is 
