Guðbjörg Helga og Gylfi Jens hjá RE/MAX kynna skemmtilega, bjarta og vel skipulagða íbúð að Lynggötu 2, 210 Garðabæ.
Íbúðin er 99,6 fm og er vel staðsett í Urriðaholti, er með sérinngangi og einkastæði í bílastæðahúsi. Hún er 3ja herbergja með 2 rúmgóðum herbergjum og þvottaherbergi innan íbúðar. Hellu/graslögð austurverönd (11,4 fm) fylgir íbúðinni og einnig skjólgóðar 8,5 fm vestursvalir. Um er að ræða íbúð í klæddu staðsteyptu fjölbýlishúsi með lyftu sem var byggt 2017. Bílastæðahús er á jarðhæð. en einnig stæði ofan við á lóðinni og við götu. Gott rými er umhverfis húsið sem er ekki raunin í öllum nýlegri fjölbýlishúsum. Húsið telur jarðhæð auk fjögurra hæða og er þessi íbúð á 1. hæð (2. hæð frá götu). Leikvöllur með leiktækjum er á næstu lóð og í augnsýn frá íbúðinni sem er einstaklega þægilegt fyrir foreldra með ung börn. Í hverfinu eru verslanir, kaffihús, leikskóli, grunnskóli og fallegar göngu- og hjólaleiðir auk golfvallar. Þetta hús er byggt með aðgengi fyrir alla í huga. Tvö sérmerkt bílastæði fyrir fatlaða eru á bílaplaninu sem er framan við inngang íbúðarinnar.
Skipulag eignarinnar:Forstofa, hol opið við alrými með stofu, borðstofu og eldhúsi, tvö herbergi, baðherbergi, þvottaherbergi innan íbúðar, sérgeymsla og sérmerkt stæði í bílageymslu.
NÁNARI LÝSING:Vandað harðparket er í alrými og á herbergjum og flísar á baðherbergi, þvottaherbergi og forstofu. Hvítar innihurðir. Forstofa: Sérinngangur er frá bílaplaninu við húsið ofanvert.
Útidyrahurð er með gleri og glugga í hliðarramma sem veitir góðri birtu í rýmið. Tvöfaldur fataskápur og vegghengt fatahengi með hillu. Fallegar ljósar gólfflísar.
Alrými með stofu, borðstofu, eldhúsi og útgengi á svalir. Björt setustofa með stórum glugga eftir einni hlið og útgengi á rúmgóðar svalir. Vel skipulögð L-laga eldhúsinnrétting með hvítri og brúnni viðaráferð sem gefur aukna tilfinningu fyrir hlýju. Innbyggður ísskápur og uppþvottavél fylga með. Alrýmið býður upp hvort sem er kringlótt eða ílangt borðstofuborð. Gardínustöng.
Herbergi I: Einstaklega rúmgott herbergi með tveimur gluggum og skápum eftir einum vegg með miklu skápaplássi. Gardnínustöng
Herbergi II: Rúmgott herbergi með tvöföldum fataskáp og tveimur ílöngum gluggum sem gefa skemmtilegan svip. Rúllugardínur.
Baðherbergi: Stílhreint og vel skipulagt baðherbergi sem er flísalagt í hólf og gólf. Walk-in sturta og opnanlegur gluggi nærri henni sem gefur góða loftun. Þar er góð innrétting með skúffum og handlaug, upphengt salerni, sturta með gleri og hvítur handklæðaofn.
Þvottaherbergi: Þvottaherbergi er innan íbúðarinnar og eru tengi fyrir þvottavél og þurrkara. einnig eru inntök fyrir krana ef fólk hefur áhuga að setja upp stálvask.
Sérgeymsla: Geymslan er 7,4 fm, staðsett á jarðhæð hússins á geymslugangi.
Sameign allra: Hjóla og vagnageymsla, geymsla og tæknirými, lyfta og stigahús. yfir 20 bílastæði á lóðinni utandyra, þar af tvö sérmerkt fyrir fatlaða.
Sameign sumra: Þessi íbúð (102) ásamt þeirri til vinstri (101) eiga saman viðbótina við einkavörnd þessarar íbúðar, svæðið framan við innganga hurðanna og að gangstétt. Rýmið er í opnu flæði við einkaverönd íbúðarinnar
Bílastæði í bílastæðahúsi: Á jarðhæð er snyrtilegur bílakjallari með 20 stæðum. Sérmerkt stæði (B10) fylgir íbúðinni. Bílastæðið er utan uppgefinnar fermetratölu.
>> Smelltu hér til að skoða íbúðina betur í þrívíðri sýn << *SKRÁNING Á OPIÐ HÚS þriðjudaginn 27. október kl 16:15-17:00. við skráningu opnast linkur inn á snjallsíðu eignarinnar með öllum upplýsingum*
Staðsetning:Skemmtileg og góð staðsetning í þessu nýlega umhverfisvæna hverfi sem er Svansvottað. Í nærumhverfi er skóli, leikskóli, verslanir, Ikea, kaffihús og fleira. Búið er að opna veg úr Urriðaholtinu inn á veginn Flóttamannaleið, og því orðið stutt leið að golfvelli Odds. Fallegar gönguleiðir eru allt í kring auk þess sem Urriðavatn er nærri.
Allar nánari upplýsingar og bókun skoðunar: Guðbjörg Helga löggiltur fasteignasali og viðskiptafræðingur s. 897 7712 og gudbjorg@remax.is
Gylfi Jens löggiltur fasteignasali og lögmaður s. 822 5124 og gylfi@remax.is
