Berglind Hólm og RE/MAX kynna: Sérlega vel skipulögð og vel umgengin 4ra herbergja íbúð á 2.hæð (gengið upp ½ hæð frá aðalinngangi) í góðu fjölbýlishúsi á besta stað í Kópavogi. Húsið er frábærlega staðsett í göngufæri frá Lindaskóla, verslunarkjarnanum Lindum og Smáralind. Í eigninni eru 3 góð svefnherbergi, rúmgóð og björt stofa + borðstofa, rúmgott eldhús, baðherbergi með glugga, baðkari og sturtuklefa og sér þvottaherbergi innan íbúðar. Næg bílastæði eru við og í nágrenni við húsið og búið er að setja upp hleðslustaura fyrir rafmagnsbíla á bílastæði hússins.
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is
Nánari lýsing eignar:Komið er frá bílaplani inn í anddyri hússins. Frá anddyrinu er gengið upp ½ hæð að íbúðinni sjálfri.
Forstofa: Komið er inn í forstofu með flísum á gólfi og góðum fataskáp sem nær upp í loft.
Þvottaherbergi: Við hlið forstofunnar er mjög rúmgott þvottaherbergi sem einnig nýtist vel sem auka geymsla. Flísar eru á gólfi, stórir og miklir skápar, vinnuvaskur og hillur.
Stofa + borðstofa: Þegar komið er inn úr forstofunni er hol sem skilur á milli svefnherbergisálmu og alrýmis. Stofan og borðstofan eru saman í opnu rými með parketi á gólfi. Góðir gluggar eru í rýminu sem snúa í suðvestur. Opið er að hluta yfir að eldhúsinu. Veggurinn sem skilur á milli stofu og eldhús er léttur og hægt að opna á milli ef kaupendur kjósa að hafa stofu og eldhús saman í opnu rými.
Eldhús: Eldhúsið er mjög rúmgott með góðri innréttingu með miklu skápaplássi og góðu vinnurými. Á milli efri og neðri skápa eru hvítar flísar. Parket er á gólfi. Rými er fyrir borðkrók við glugga. Útgengt er á suðvestur svalir frá eldhúsinu sem ná útsýni vestur yfir kópavoginn.
Baðherbergi: Baðherbergið er flísalagt í hólf og gólf með ljósum flísum. Bæði er baðkar og sér sturtuklefi í rýminu. Hvít innrétting er undir vaskaborði sem er með ljósri steinborðplötu og vaski. Á vegg fyrir ofan innréttinguna er veggfastur skápur ásamt stórum spegil með góðri hulinni lýsingu. Opnanlegur gluggi er í rýminu.
3 x svefnherbergi: Svefnherbergin eru þrjú. Öll herbergin eru með parketi á gólfi og fataskápum sem ná upp í loft.
Geymsla: Í sameign ( ein hæð niður frá íbúðinni) er geymsla sem skráð er 6 m2. Eins og áður er minnst á er einnig gott geymslupláss í þvottaherberginu innan íbúðar.
Sameign: Í sameign er góð hjóla- og vagnageymsla. Hægt er að ganga beint út frá hjólageymslunni út á lóðina á bak við húsið. Í bakgarðinum er leiksvæði fyrir börn.
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is 
