Sigrún Gréta hjá RE/MAX kynnir fallega 4ra herbergja íbúð á 2. hæð að Friggjarbrunni 5 í Reykjavík. Gólfhiti er á allri íbúðinni. Lyfta er í húsinu og íbúðinni fylgir sérmerkt stæði í bílageymslu. Inn af bílastæði er stór sér geymsla íbúðar. Sameign er virkilega snyrtileg og vítt er til veggja í stigagangi. Einungis tvær íbúðir eru á hverri hæð. Húsið var byggt árið 2011. Íbúðin er björt með gluggum á tvo vegu og eru stofugluggar gólfssíðir. Út frá stofu eru SV-svalir. Í Úlfarsárdalnum er leik- og grunnskóli, íþróttamiðstöð Fram, sundlaug og fleira. Frábær aðstaða og þægilegir hjóla- og göngustígar um hverfið. Einnig er afar stutt út í óspillta náttúruna fyrir útivistarunnendur.
Allar frekari upplýsingar um eignina veitir Sigrún Gréta í síma 864-0061 / sigrun@remax.is
Eignin skiptist í forstofu, gang, þrjú svefnherbergi, baðherbergi, eldhús, borðstofu, stofu, þvottahús og geymslu. Eignin er skráð hjá Húsnæðis- og mannvirkjastofnun 147,2 m2. Stæði í bílageymslu er ekki inni í þessum fermetrafjölda.*VINSAMLEGA SMELLIÐ HÉR TIL AÐ FÁ NÁNARI UPPLÝSINGAR UM EIGNINA**HÉR MÁ NÁLGAST 3D MYNDBAND AF EIGNINNI, INNI- OG ÚTI. KÍKTU Í HEIMSÓKN!Smelltu hér og þú færð söluyfirlit straxNánari lýsing:
Forstofa er inn af einstaklega snyrtilegri sameign og rúmgóðum stigapalli með lyftu. Myndavéladyrasími og póstkassar í anddyri. Innan íbúðar eru viðarfataskápar sem ná upp í loft og á gólfi eru ljósar flísar. Parket tekur við flísum út ganginn og flæðir án þröskulda inn í flest rými íbúðar.
Herbergi I er inn af forstofu. Hvítir innbyggðir fataskápar fylla einn vegg. Parket á gólfi.
Herbergi II er með hvítum innbyggðum tvöföldum fataskáp. Parket á gólfi.
Herbergi III er með hvítum innbyggðum tvöföldum fataskáp. Parket á gólfi.
Eldhús er opið inn í stofurými og eru bæði flísar og parket á gólfi. Innrétting er á tveimur veggjum, önnur hvít og hin viðar. Gorenje ofn, stæði fyrir tvöfaldan ísskáp/frysti og innbyggða Electrolux uppþvottavél. Frístandandi eyja með skúffum á þrjá vegu og hægt er að sitja við eyjuna beggja megin. Eyja er úr við, steinn á borði, Bosch helluborð og háfur yfir.
Borðstofa tengir saman eldhús og stofu. Gólfsíðir gluggar. Parket á gólfi.
Stofa/sjónvarpsrými er handan við millivegg sem skilur að eldhúsrými og hluta af stofu. Veggurinn var stækkaður og möguleiki að minnka hann á ný. Gengið er út á svalir út frá stofu. Þar eru gólfsíðir gluggar. Parket á gólfi.
Svalir snúa til suðvesturs og þegar sólar nýtur við, er hún að koma á hádegi inn á svalirnar og er fram á kvöld. Glerhandrið og nýir steingráir plastplattar á svalargólfi.
Baðherbergi er með innréttingu á tveimur veggjum. Steinn á borði og niðurfelldur vaskur. Veggfestur spegill og lýsing. Þreplaus sturta, hvítur handklæðaofn og upphengt salerni. Ljósar gólfflísar, eins og í forstofu og þvottahúsi.
Þvottahús er inn af eldhúsi. Hvít innrétting á tveimur veggjum. Stæði og tengi fyrir þvottavél og þurrkara. Skolvaskur í borðplötu og hvítar veggflísar milli efri og neðri skápa. Gólfhitastýring og rafmagnstafla er í þvottahúsi. Niðurfall í gólfi. Gluggi með opnanlegu fagi.
Bílageymsla er með sex bílastæðum og á hver íbúð eitt stæði. Þessi íbúð á eitt þeirra og er komin rafmagnshleðslustöð í stæðið.
Geymsla íbúðar er sér, staðsett við bílastæði íbúðar í bílageymslu. Birt stærð geymslu er 12,5 m2.
Hjóla- og vagnageymsla er í sameign í kjallara. Gott aðgengi er fyrir hjól og vagna beint út á stétt framan við hús.
Garður er virkilega fallegur með fjölærum plöntum sunnan og vestan megin við hús og sér Reykjavíkurborg um umhirðu þess hluta lóðar. Bílastæði eru einnig úti á lóð og leiksvæði er handan við lóð húss.
Ath. Parket hefur aldrei verið pússað og innréttingar eru frá Fagus. Húsið var málað fyrir tveimur árum.
Allar frekari upplýsingar um eignina veitir Sigrún Gréta í síma 864-0061 / sigrun@remax.is
-Vegna mikillar eftirspurnar vantar allar tegundir eigna á skrá.
-Hafðu samband og við verðmetum eignina þína þér að kostnaðarlausu.
-Sigrún Gréta löggiltur fasteignasali í síma 864 0061 eða sigrun@remax.is
Gjöld sem kaupandi þarf að standa straum af vegna kaupanna:1. Stimpilgjald af kaupsamningi - 0,8% (0,4% fyrir fyrstu kaupendur) og 1,6% fyrir lögaðila. Reiknast af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - 3.800 kr. af hverju skjali.
3. Lántökugjald eftir gjaldskrá lánastofnunar. Nánari upplýsingar á heimasíðum lánastofnana.
4. Umsýslugjald til fasteignasölu kr. 69.900.-
