Kársnesbraut 15

Guðbjörg Helga og Gylfi Jens löggiltir fasteignasalar hjá RE/MAX kynna í einkasölu: Kársnesbraut 15, 200 Kópavogi
Um er að ræða skemmtilegt og vel skipulagt 6-7 herbergja 211 fm einbýlishús sem er að mestum hluta á einni hæð en er með herbergi í uppgerðu risi og kjallara með stórum, rúmgóðum og vel búnum bílskúr og tveimur geymslum. Húsið stendur innarlega og hátt á lóðinni sem er í brekku með skemmtilegri heimreið með einkabílastæðum. Gróinn og mjög skemmtilegur garður með grasi, trjám og upphækkuðum matjurtareit ásamt köldum geymsluskúr. Það má alveg æfa golfsveifluna í þessum garði eða spila fótbolta. Húsið hefur verið stækkað tvívegis frá upprunalega húsinu, m.a. af núverandi eigendum sem bættu við vesturendann með viðbyggingu þar sem er bílskúr, 2 herbergi og eldhús. Áður hafði verið bætt við stofunum og austurenda. Arkitektúr hússins hefur fengið að njóta sín gegnum breytingarnar og því haldið þeim einstaka sjarma sem húsið hefur. Þannig fékk gamla eldhúsinnréttingin yfirhalningu og var breytt og skúffur sérsmíðaðar dýpri og alveg útdraganlegar og innrétting hækkuð upp með hliðsjón af réttri líkamsstöðu er þar er unnið. Húsið hefur fengið mjög gott viðhald gegnum árin og er mjög mikið endurnýjað (og talsvert stærra en upphaflega húsið). Húsið getur verið laust fljótlega eftir kaupsamning. Fasteignamat 2026 er 147.700.000 kr.

     > SÆKTU SÖLUYFIRLIT MILLILIÐALAUST HÉR
 
     > 3D - UPPLIFÐU HÚSIÐ BETUR HEIMA í ÞRÍVÍDD OG GANGTU UM ÞAÐ Í TÖLVUNNI HEIMA. MÆLISTIKA Í VINSTRA HORNI.

- Eignin er skráð 211 fm á stærð sem skiptast þannig að íbúðarhluti er 167,60 fm og bílskúr 43,4 fm. Hluti svefnherbergis í risinu er undir súð og því utan uppgefinnar fermetratölu. 
-Afar gestavæn aðalhæð sem á sumrin sameinast garðinum á góðum sumardögum
- Bílskúr með innkeyrsluhurð og útidyrahurð og 3ja fasa rafmagni. Aðgengi er einnig um stigalúgu í gólfi forstofu.
- 4 svefnherbergi en geta verið 5 (fataherbergi var áður sérherbergi með inngangi frá holi). 
- Baðherbergi var endurnýjað 2004 er viðbygging var byggð. Eldhús var þar áður þar sem baðherbergið er núna.
- Tvær verandir, önnur með markísu eru við húsið. Verandirnar hafa verið tengdar  með viðbótum og eru útidyr bæði úr eldhúsi og borðstofu á viðarverönd.
- Einstaklega fallegur og gróinn garður. 
- Ný rafmagnshleðslustöð við bílskúr. 

NÁNARI LÝSING;
Gengið er upp nokkrar tröppur að aðalinngangi. 
Forstofa: Tveir tvöfaldir fataskápar fyrir yfirhafnir og bekkur með skúffu undir, opnanlegur gluggi og útidyrahurð með glugga. Á gólfinu er opnanlegur hleri niður í kjallara hússins. Flísar og parket yfir gólfhlera.
T laga gangur/opið hol: Parket á gólfi og tengir saman öll rými hæðarinnar þannig að hægt er að ganga í hring á hæðinni milli gangs, eldhúss og stofa.
Stofur: Tvöföld stofa sem snýr út í garð, með opið á milli en einnig er innangengt af gangi í báðar stofur. Útidyrahurð er út á verönd úr borðstofunni auk þess sem opið er inn í eldhús. 
Eldhús: Opið við borðstofu en einnig frá gangi. Eldhúsið er í nýbyggingunni (2002-2004) en gamli stíllinn fékk að halda sér í anda hússins. Gamla innréttingin var uppgerð og endurnýjuð að hluta með djúpum alútdraganlegum skúffum og innréttingin hækkuð upp í rétta vinnuhæð. Hún er L-laga, hvít og blá með borðplötu með viðaráferðarútliti. Litríkar flísar milli efri og neðri skápa sem gefa eldhúsinu skemmtilegan svip. Uppþvottavél getur fylgt, Miele classic ofn, Siemens helluborð, exra hljóðlát vifta (er uppi, ekki í eldhúsinu og leidd niður), Hotpoint Ariston ísskápur getur fylgt (ein skúffa í frysti brotin). Parket á gólfi.Útidyrahurð er út á verönd frá eldhúsi. 
Herbergi I:  Parketlagt með fataherbergi inn af (fataherbergi var áður sérherbergi og er möguleiki að breyta til baka). (Síðan í 2 stækkunarfasa hússins)
Herbergi 2: Rúmgott og bjart. Parket á gólfi. Staðsett í nýjasta hluta hússins.
Herbergi 3: Rúmgott og bjart. Parket á gólfi. Staðsett í nýjasta hluta hússins.
Herbergi 4 (risið): Staðsett í risi. Sjarmerandi steyptur stigi er upp í risið sem minnir mann á elsta hluta hússins. Stiginn er brattari en ef húsið væri byggt í dag. Fallegt uppgert herbergi og rúmgott með kvisti út í garð og gólfhita. Parketið er aðeins ójafnt (timburgólf undir) og er plastparket á gólfi.
Baðherbergi: Endurnýjað 2004. Walk in sturta, baðkar, hvít innrétting undir handlaug og skápur á vegg ásamt spegli. Gólfflísar á gólfi. Opnanlegur gluggi. 
Þvottaherbergi: er næst eldhúsinu. Hvítar innréttingar. Opnanlegur gluggi.
Bílskúr: Rúmgóður og er skráður 43,4 fm. Heitt og kalt vatn, hitaveita og rafmagn. Innkeyrsluhurð með rafdrifnum mótor og útidyrahurð á hliðarvegg, Rafhleðslustöð er utan við bílskúrshurð. Gluggi. 3ja fasa rafmagnstengill. Bílskúrinn er innangengur um einfaldan viðarstiga um lúgu í forstofu og að utanverðu um útidyr og bílskúrshurð.
Geymslur: Tvær sérgeymslur. Einnig hillur á vegg á ganginum framan við þær
Lóðin: Er 1043 fm. með stórri heimreið og bílstæðum á lóð. Húsið stendur á miðri lóðinni og er því langt frá götunni og stendur frekar ofarlega. Gróinn garður sem eigendur hafa haft unun að hanna og fegra. Viðarverönd byggð í 3 hlutum á mismunandi tímum er meðfram öllu húsinu ofanmegin, einnig eldri verönd lengra úti í garðinum og þar er einnig blómabeð sem áður var sandkassi. Grasið er einstaklega fallegt og góður staður til að æfa sig fyrir golfið eða taka fótboltaæfingar. Hægt er að ganga meðfram húsinu beggja megin og út í garð um 2 útidyr í aðalrýmum hússins.

Framkvæmdasaga núverandi eigenda:
2024: Bílahleðslustöð sett upp.
2014-2015: Risið endurnýjað og þakjárn endurnýjað. Gólfhiti settur í risherbergi.
2012: 3ja fasa rafmagn í bílskúr
2004+2010: Dren lagt og endurnýjað (suður, vestur og austur...þarf ekki að drena norðan megin)
2004-2006: Allt rafmagn endurnýjað sem og rafmagnstaflan 2004.
2005-2006: Gólfhiti settur í eldri hluta hússins á aðalhæð (er ekki í viðbyggingu í vesturenda)
2003-2004: Neysluvatnslagnir og frárennslislagnir endurnýjaðar
2002-2004: Viðbygging byggð í vesturenda- húsið stækkað til vesturs.
1999+2005+2010: Viðarverandir byggðar í garði. 1999 sú elsta, 2005 sú í miðið og 2010 meðfram húsinu.
1999: Opnað út í garð úr borðstofu og sett útidyrahurð.

Samantekið er þetta einstaklega sjarmerandi og skemmtilegt hús sem heldur í sál elsta hússins og uppfært í takt við arktitektúr hússins. Það hefur verið mikið endurnýjað og byggt og bætt við. Þetta hús er með draumabílskúr margra bílskúrsunnenda og nýtist sem slíkur því það er svo vel nýtt húsið og mikið geymslupláss í því. Góð staðsetning og einstaklega hljóðlátt og vel einangrað hús með stórri heimreið og bilastæðum á lóðinni framan við húsið. Húsið er vinsælt til veisluhalds innan stórfjölskyldunnar og garðurinn er alger dásemd. Sjón er þessum texta ríkari, svo það er um að gera að mæta og skoða húsið.

Allar nánari upplýsingar veita:
Guðbjörg Helga löggiltur fasteignasali og viðskiptafræðingur s. 897 7712 og gudbjorg@remax.is  
Gylfi Jens löggiltur fasteignasali og lögmaður s. 822 5124 og gylfi@remax.is