Guðlaugur J. Guðlaugsson og Gunnar Sverrir löggiltir fasteignasalar hjá RE/MAX fasteignasölu kynna í einkasölu:
Einstaklega vel staðsett sumarhús við Þingvallavatn á 4.350 fm. lóð í landi Heiðarbæjar. Glæsilegt útsýni er yfir Þingvallavatn, að Sandey, Súlur og fjöll nær Þingvöllum. Sjón er sögu ríkari.
Mikil veðursæld er við húsið, þar sem gömul, stór og falleg tré veita gott skjól. Sumarhúsið er upphaflega 66.4 fm. og byggt árið 1979. Árið 2019 var sumarhúsið stækkað með tengibyggingu og er stærð þess í dag, samtals 129.4 fm. Veröndin við húsið var stækkuð á sama tíma, algjör paradís.
Smelltu á linkinn til að skoða sumarhúsið í 3D
Bókið skoðun hjá Gulla í síma 661 6056 eða með tölvupósti á netfangið gulli@remax.isNánari lýsing:Stór verönd er við innganginn inn í húsið. Forstofa og gangur er með flísum á gólfi. Inn af forstofu er geymsla/lagnarými. Baðherbergið er með flísum á gólfi, baðinnréttingu með handlaug og skáp þar fyrir ofan. Salerni og sturtuklefi þar við hlið. Inn af baðherbergi er sauna. Gangurinn tengir saman viðbygginguna við eldra húsið, þar er gler meðfram öllum ganginum sem veitir óhindrað útsýni að Þingvallavatni og víðar. Útgengi er þaðan út um tvöfalda svaladyr út á stóra og skjólgóða verönd. Í nýrri hluta hússins er sjónvarpshol og tvö rúmgóð og björt svefnherbergi, parket lögð. Herbergin bæði eru með fataskápum og útgengi út á verönd, annað þeirra er með óhindrað útsýni að Þingvallavatni og víðar. Í eldri hluta hússins eru flísar og parket á gólfi. baðherbergi með handlaug, salerni og sturtuklefa. Herbergin eru tvö, annað þeirra er mjög rúmgott og með fataskápum. Hitt er með koju. Þar við hlið er búr/geymsla. Eldhúsið er með innréttingu á móti hvor annarri og opið inn í alrými sem telur borðstofu og stofu. Hvert sem litið er, þar er alveg einstakt og friðsælt útsýni að sjá. Gluggar stórir, gefa mikla birtu inn og veita mikla sælu með allt þetta óhindrað útsýni fyrir augum.
Veröndin er yfirbyggð að hluta og sérstaklega skjólgóð á milli húsanna. Húsið er kynnt upp með rafmagni.
Húsið stendur á mjög rólegum stað á leigulóð í eigu ríkisins í u.þ.b. 30 mínútna akstursfjarlægð frá Reykjavík
Nánari upplýsingar veita:Guðlaugur J. Guðlaugsson, löggiltur fasteignasali, í síma 661-6056 / gulli@remax.is
Gunnar Sverrir, löggiltur fasteignasali, í síma 862-2001 / gunnar@remax.is
Vegna mikillar eftirspurnar vantar okkur allar tegundir eigna á skrá. Hafið samband og við munum verðmeta eign þína þér að kostnaðarlausu.
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi 0,8%, ( 0,4% ef um fyrstu kaup er að ræða ) og 1.6% (ef lögaðilar) af heildar fasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar - Nánari upplýsingar á heimasíðum lánastofnana.
4. Umsýslugjald til fasteignasölu kr. 69.900.-
