Borgartún 28

Bjarni Blöndal löggiltur fasteignasali (bjarni@remax.is/s:662-6163) kynnir: Glæsileg penthouse íbúð á 7.hæð í lyftuhúsi á þessum frábæra stað, þú kemst ekki nær því að búa í einbýli í fjölbýli. 170fm svalir allan hringinn með yfirbyggðu skyggni að hluta til suðurs. Aukin lofthæð er í íbúðinni sem er um 3 metrar. Tvö sér bílastæði í lokaðri bílgeymslu. Lyftan opnast beint inn í forstofu íbúðar.

Penthouse downtown

Þrjú stór svefnherbergi, tvær stofur, tvö baðherbergi, tvö bílastæði, þriggja metra lofthæð og 170 m² þaksvalir.
Íbúðin sjálf er um 202fm að stærð með 170 m þaksvölum sem ná allan hringinn (360°) um íbúðina. Hér sameinast lúxus, næði og óviðjafnanlegt útsýni í allar áttir - yfir borg, haf og fjallgarð.
Borgartún er ein eftirsóttasta skrifstofu- og þjónustugata Reykjavíkur sem nú er í örri þróun yfir í lifandi blöndu íbúða- og borgarlífssvæði. Staðsetningin býður upp á fullkomið jafnvægi milli borgarlífsstemningar og heimilislegs næðis. Íbúðin var innréttuð árið 2022 og flutt inn sama ár.

Aðkoma sem setur tóninn.
Lyfta í stigahúsi er læst með kóða og eingöngu aðgengileg eigendum. Þar tekur á móti gestum glæsileg og rúmgóð forstofa með sér rými inn af fyrir útiföt og skó. Rúmlega 3 metra lofthæð og vandaður frágangur skapa strax lúxus tilfinningu sem er einstök.
 
Hjónaálma með lúxusbaðherbergi og heitum potti.
Vinstra megin er falleg og afskekkt hjónaálma með rúmgóðu fataherbergi og stóru baðherbergi. Baðherbergið er útbúið Versace flísum, með gullblöndunartækjum, útgengt beint út á þakverönd með lúxus heitum potti með nuddi, lýsingu og möguleika á að tengja síma fyrir tónlist - sannkölluð heilsulind í einkagarði í himinhæð.
Stofa og eldhús með einstöku útsýni. Til hægri frá forstofu er sjónvarpsstofa, hvaðan liggja fallega upplýstir pallar með gólfhita upp í aðalrými íbúðarinnar: stofu og eldhús. Útsýnið er stórbrotið og óhindrað, þar sem hafið, Esjan og borgin sameinast í síbreytilegri mynd. Eldhús og innréttingar eru sérsmíðaðar með Dekton-borðplötum frá Rein sem sameina fágað útlit og framúrskarandi endingu. 
 
Í íbúðinni eru glæsilegt gestasalerni með Versace flísum, gullblöndunartækjum og sturtu. Tvö rúmgóð herbergi, stórt þvottaherbergi og fjölmörg sérlausnarsmíðuð atriði.
Allar hurðir eru 240cm á hæð og sérsmíðaðar, líkt og flekar sem skilja sjónvarpsrými frá efri pöllum, hillur í anddyri og innréttingar í fataherbergi, allt unnið af Beyki smíðaverkstæði með áherslu á gæði og fagurfræði. Hurðar og hurðabúnaður eru í hæsta gæðaflokki. Hurðirnar eru útbúnar segullæsingum sem tryggja hljóðláta og silkimjúka opnun og lokun, með einstaklega fáguðu yfirbragði. 
 
Snjallheimili, lýsing og frágangur í hæsta gæðaflokki.
Öll lýsing í íbúðinni er hluti af free@home snjallheimiliskerfi og er stýrt á einfaldan hátt í gegnum spjaldtölvu eða síma.Kerfið gerir kleift að stilla birtu, stemmingu og notkun rýma eftir þörfum dagsins, hvort sem er fyrir daglegt líf eða móttökur. Hægt er að velja fyrirfram skilgreindar lýsingarsenur í vönduðum, fallegum rofum á veggjum, sem sameina hönnun og þægindi á fágaðan hátt.
Allt innra rými íbúðarinnar er hannað af mikilli nákvæmni og klárað með efnum í hæsta gæðaflokki. Hér er hver einasti þáttur sérvalinn og sérsmíðaður - frá hurðum til innréttinga, lýsingar og tækni.
 
Útirými og aðstaða
Um 170fm þaksvalir sem ná allan hringinn umhverfis íbúðina.
Tvö stæði í upphituðum og snyrtilegum bílakjallara ásamt eigin hleðslustöð fyrir bíla.
Góð geymsla fylgir eigninni

Þetta er einstakt tækifæri til að eignast lúxusíbúð á einni bestu staðsetningu borgarinnar - heimili þar sem arkitektúr, gæði og útsýni sameinast í heild sem er fágæt á íslenskum fasteignamarkaði.
 
Allar upplýsingar um eignina veitir Bjarni Blöndal löggiltur fasteignasali í síma 662 6163 eða bjarni@remax.is.