YFIRLIT

LÝSING

RE/MAX kynnir í einkasölu: Einstaklega falleg og mikið endurnýjuð eign á stórri eignalóð sem búið er að skipta upp í fjórar fullbúnar íbúðir með sérinngangi. Gistirekstur hefur verið starfræktur í húsinu frá því 2015.  Sigríður Ólafsdóttir, arkitekt FAÍ hannaði húsið á grunni gamla bæjarins sem áður stóð og tók hönnun hússins mið af stórkostlegu útsýni og náttúru staðarins.  Möguleiki er að kaupa eignina með eða án rekstrarleyfi og innbúi.

Einstök eign með mikla tekjumöguleika - sjón er sögu ríkari.

Gistileyfi er til staðar, rekstrarleyfi í flokki III sem hægt er að yfirtaka ásamt bókunarsíðum. Ummæli frá viðskiptavinum eru einstaklega góð og er eignin skráð á öllum helstu síðum, sjá t.d. á booking.com með því að smella hér og tripadvisor.com með því að smella hér.  Stutt er að fara í ýmiskonar þjónustu og afþreyingu, m.a. hestaferðir, fuglaskoðun, golfvöll, fallegar göngu og hjólaleiðir, sundlaug og líkamsrækt. Eignin er um 40 mín akstursfjarlægð frá Keflavíkurflugvelli og um 15 mín frá miðbæ Reykjavíkur.

Nánari lýsing á íbúðum:
Húsið sem upprunalega var byggt 1946 hefur verið tekið í gegn. Endurhannað og endurnýjað að mestu leyti. Viðbygging þ.e. íbúð á 2.hæð, bílskúr/studioíbúð og garðskáli byggt árið 2004.
Staðsetningin og útsýni er einstakt.  Eignin er einstaklega björt og vel skipulögð með nútímalegri hönnun en haldið í sérstakt byggingarform og anda staðarins. Húsið er skráð sem einbýlishús skv. Þjóðskrá Íslands.

Íbúð á 1. hæð og arinstofa
Á 1. hæð, gengið inn fyrir framan og aftan hús, er góð tveggja herbergja íbúð um 77,9 fm. með einstakan arin/skorstein í stofu sem er upprunalegur frá eldra húsi.  Íbúðin skiptist í rúmgott eldhús og geymslurými, baðherbergi með sturtu, eitt svefnherbergi og arinstofu með aukinni lofthæð, þakglugga og aðgengi út á litla steypta verönd.  Rýmin eru mjög björt, fallegir gólfsíðir og vandaðir harðviðar gluggar sem hleypa mikilli birtu inn. 

SKOÐA ÍBÚÐ Á 1. HÆÐ OG ARINSTOFU Í 3D MEÐ ÞVÍ AÐ SMELLA HÉR

Íbúð á 2. hæð
Eignarhlutinn er hluti viðbyggingar um 45,4 fm. að stærð, byggt 2004 og hannað í einstökum stíl Sigríðar Ólafsdóttur sem undirstikar tengsl hússins við náttúru staðarins með einstöku panorama útsýni. Rýmið er að hluta undir súð sem er óskráð, svo gólfflötur íbúðar er stærri en uppgefnir fm. segja til um.  Gengið er upp fallegan teppalagðan stiga upp á 2.hæð hússins í bjart og gott rými sem samanstendur af opnu alrými með eldhúskrók, svefnherbergi fyrir innan og baðherbergi með sturtu.  Einnig er hægt að ganga út á svalir og er mjög fallegt útsýni. Vandaðir gólfsíðir harðviðar gluggar sem hleypa birtu inní fallegt rými og hátt er til lofts að hluta. 

SKOÐA ÍBÚÐ Á 2. HÆÐ Í 3D MEÐ ÞVÍ AÐ SMELLA HÉR

Studioíbúð á 1.hæð
Eignarhlutinn er hluti viðbyggingar, byggt 2004. Skráður sem bílskúr en breytt í studioíbúð 2017. Íbúðin er um 32,9 fm. og skiptist í opið alrými með eldhúskrók og svefnaðstöðu, baðherbergi með sturtu og fataherbergi. Stór harðviðar gluggi er í stofu með einstöku útsýni til Bessastaða og Reykjavík. Einnig er landslagsgluggi með útsýni til sjávar og Snæfellsjökuls.
Stór og bjartur gluggi er í stofu með einstöku útsýni til Bessastaða og Reykjavík.

SKOÐA STUDIO ÍBÚÐ Á 1.HÆÐ Í 3D MEÐ ÞVÍ AÐ SMELLA HÉR

Þriggja herbergja íbúð með garðskála á 1. hæð
Íbúðin er hluti viðbyggingar, byggt 2004 en endurhönnuð 2015 þegar milliveggir voru reistir. Eignarhlutinn er um 84 fm. mjög rúmgóð og björt íbúð (skráð vinnustofa) sem skiptist í tvö svefnherbergi, baðherbergi með sturtu og sólskála með eldhúsi. Einnig er aðgengilegt rúmgott geymsluloft fyrir ofan annað svefnherbergið. Nýtt parket er á svefnherbergjum og stofu, búið að endurnýja rafmagn í stærra svefnherbergi og stofu en frekari endurbætur standa yfir á minna svefnherbergi. Búið er að draga í nýja og öfluga raflögn í garðskála vegna fjölmargra raftækja sem eru í notkun vegna gistirekstrar en aðstaðan þar hefur verið nýtt fyrir morgunverðaraðstöðu. Nýjar hurðar í svefnherbergjum og nýjir og rúmgóðir skápar eru í stærra svefnherberginu.  Steypt plata er í lofti að hluta og stendur til að skipta út tveim eldri gluggum í rýminu.

Lóðin og umhverfið
Húsið stendur á einstaklega fallegri 2.532 fm. eignalóð og eigendur eiga forkaupsrétt á Eyvindarholti 2. Staðsetningin og lóðin býður upp á mikla framtíðarmöguleika, fordæmi eru fyrir frekari uppbyggingu ferðaþjónustu á Álftanesi.
Í sumar verður smíðaður pallur á suðurhlið hússins en garðurinn er með miklum trjágróðri, matjurtargarði og mön við Norðurnesveg.
Á lóð er einnig um 12 fm. geymsluskúr auk eldri hænsnakofa, ekki inní skráðum fm. hússins og næg bílastæði eru fyrir framan hús.

Athugið að tekjur og bókanir miðast aðeins við útleigu á þremur íbúðum.  Þriggja herbergja íbúð með sólskála á 1. hæð hefur ekki verið í útleigu og því miklir möguleikar fyrir nýjan eiganda að nýta íbúðina fyrir sig eða setja í útleigu með frekari tekjumöguleikum. 

Nánari upplýsingar gefur Guðrún Lilja Tryggvadóttir, löggiltur fasteignasali í síma 867-1231, [email protected]

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.