YFIRLIT

LÝSING

Berglind Hólm lgfs. og RE/MAX kynna: **Gott fjölskyduhús með auka íbúð **
Fallegt og sjarmerandi einbýlishús með auka íbúð innst í rólegum botnlanga við Huldubraut í Kópavogi. Húsið stendur á stórri lóð, 1243 fm, í námunda við sjóinn við Fossvoginn. Húsið er almennt í góðu ástandi og er frábært fjölskylduhús á tveimur hæðum. Húsið fékk viðurkenningu frá umhverfis- og samgöngunefnd Kópavogs fyrir endurgerð húsnæðis árið 2013. Lóðin er einstaklega falleg og vel hirt með stórum viðarpalli, pergólu, heitum potti, úti sturtu og fallegum gróðri. Á lóðinni er auka hús 81,3 fm sem rúmar um 50 fm auka íbúð og um 30 fm geymslurými með innkeyrsluhurð. Húsið er sérstætt frá aðaleigninni og sérinngangur er í aukaíbúðina. Íbúðin hefur verið leigð út í skemmtímaleigu og getur gefið af sér góðar tekjur. Í aðaleigninni eru 5 svefnherbergi og tvær stofur og í aukaíbúðinni eru 1 svefnherbergi og 1 stofa.
 
Allar nánari upplýsingar veitir Berglind Hólm lögg.fasteignasali í síma 694-4000 eða [email protected]
 
Nánari lýsing:
Keyrt er upp að húsinu upp á stórt hellulagt bílaplan sem rúmar 5 bíla. Húsið er fallegt og reysulegt í skandinavískum stíl og auka húsið er byggt í sama stíl.
Húsið var teiknað upp uppá nýtt og samþykkt hjá Kópavogsbæ fyrst 1998 og síðar 2002. Þakið var í framhaldinu alveg endurnýjað og m.a hækkað í mæni og kvistar samrýmdir. Allir gluggar voru endurnýjaðir ásamt inni/ útihurðum og innréttingum, enn fremur var allt rafmagn endurnýjað og pípulagnir að mestu endurnýjaðar. Húsið var einangrað og klætt með bárujárni í framhaldinu. Hiti er í tröppum og motta til staðar í bílaplani. Tvær viðbyggingar eru við húsið sem voru byggðar á tímabilinu 1998  til 2003. Húsið var málað að utan 2020. Aukahús á lóð var byggt 2007.
Nánari lýsing húss:
Jarðhæð:
Forstofa: Komið er inn í rúmgóða forstofu með fallegum flísum á gólfi og sérlega góðum fataskápum. Auk fataskápanna er einskonar fataherbergi með miklu og góðu skápaplássi.
Eldhús: Þegar komið er inn úr forstofu er komið inn á gang sem leiðir að stofu og eldhúsi. Eldhúsið er rúmgott með stórri hvítri fulningainnréttingu í vinkil með efri og neðri skápum og fallegum gluggum. Stór eyja er í miðjurýminu.
2 x stofa: Borðstofa og setustofa eru aðskildar með fallegri gler vængjahurð. Opið er inn í borðstofuna frá eldhúsinu og þaðan er hægt að ganga út um tvöfalda hurð út á veröndina sem snýr í suður. Á milli borðstofu og setustofu er falleg gler vængjahurð. Fallegt fjalaparket er á gólfum.
Baðherbergi: Baðherbergið er fallegt og mikið endurnýjað með góðum glugga. Gráar flísar eru á gólfi og hvítar á veggjum. Sturta er stór beint á gólf með glervegg. Hvít innrétting er undir og við vask.
Herbergi nr.1 / forstofuherbergi: Inn af forstofunni er gott herbergi með fallegu fjalaparketi á gólfi og góðum vönduðum fataskáp sem nær upp í loft.
Þvottaherbergi: inn af eldhúsinu er rúmgott þvottaherbergi með hurð út á veröndina austan megin við húsið. Góð hvít innrétting er í rýminu og gluggi.
Efrihæð:
4 x svefnherbergi: Á efri hæð hússins eru fjögur rúmgóð svefnherbergi, öll herbergin eru með fallegu fjalaparketi á gólfi.
Kjallari: Undir húsinu er manngengur kjallari sem nýtist vel sem geymsla. Í kjallaranum eru allar hitaveitu og vatnslagnir og því auðvelt að taka lagnir upp í húsið ef áhugi er á breytingum.
Auka íbúð / bílskúr:
Hægra megin við húsið, inn af bílaplaninu er stórt steypt auka hús 81,3 fm með sérlega mikilli lofthæð.
Auka íbúð: U.þ.b. 50 fm auka íbúð með mikilli lofthæð og sérinngangi er í aftari hluta hússins. Komið er inn í forstofu með flísum á gólfi. Eldhús, borðstofa og setustofa eru saman í opnu rými með flísum á gólfi. Í eldhúsinu er hvít innrétting í vinkil með neðri skápum. Svefnherbergið er eitt með flísum á gólfi og fataskáp með rennihurðum. Baðherbergið er með glugga, sturtu og eikarinnréttingu. Salernið er upphengt. Flísar eru á gólfi og á veggjum hjá salerni og við sturtu.
Bílskúr/geymsla: Fremst í húsinu er um 30 fm sem eru nýttir sem geymsla/bílskúr með stórri bílskúrhurð. Tengi er fyrir þvottavél og þurrkara. Sjálfvirkur hurðaopnari, hitaveita og heitt og kalt neysluvatn.
Lóð: Lóðin í kringum og undir húsinu er skráð 1.243 fm. Lóðin er sérlega fallega frágengin með hellulögðum gönguleiðum og bílaplani, stórri timburverönd, heitum potti, úti sturtu, fallegum gróðri, trjám og fjölærum plöntum.
 
Allar nánari upplýsingar veitir Berglind Hólm lgfs í síma 694-4000 eða [email protected]