YFIRLIT

LÝSING

Berglind Hólm lgfs. og RE/MAX kynna: Sérlega rúmgott og skemmtilegt fjölskyldu raðhús með góðum herbergjum og glæsilegu útsýni. Húsið er á þremur pöllum með innbyggðum bílskúr. Á miðjupalli er gengið út á verönd á jarðhæð fyrir aftan húsið sem snýr í suður þar sem sól nær inn frá morgni til kvölds (lagt er fyrir heitum potti) og út frá stofunni er gengið út á svalir með stórglæsilegu útsýni yfir Elliðavatnið, Esjuna og Úlfarsfellið svo fátt eitt sé nefnt.  Í húsinu eru fjögur mjög rúmgóð svefnherbergi, tvö baðherbergi, sjónvarpshol (sem hægt er að breyta í fimmta svefnherbergið), stórt alrými sem rúmar eldhús, borðstofu og setustofu (glæsilegt útsýni er frá alrýminu), gott þvottaherbergi og rúmgóður bílskúr. Stutt er í einstakar gönguleiðir Heiðmerkurinnar og að Elliðavatni. Í göngufæri er Íþróttamiðstöðin Kór, Vatnsendaskóli, leikskólinn Aðalþing, verslun Krónunnar og Apótek. 

Allar nánari upplýsingar veitir Berglind Hólm lögg.fasteignasali í síma 694-4000 eða [email protected]

Nánari lýsing eignar: 
Fyrir framan húsið er stórt hellulagt bílaplan sem rúmar 3-4 bíla. Á framanverðu húsinu eru svalir sem njóta glæsilegs útsýnis og fyrir aftan húsið er verönd sem snýr upp í áttina að Heiðmörkinni í suður þar sem sól nær inn frá morgni til kvölds. 
Jarðhæð: 
Forstofa: Komið er inn í opna og rúmgóða forstofu með flísum á gólfi. Stór fataskápur sem hægt er að ganga inn í er á móts við forstofuna þar sem mikið rými er fyrir útifatnað og skó. Falleg tvöföld eikarhurð lokar af rýmið. 
Bílskúr: Innangengt er í stóran bílskúr frá forstofunni. Epoxid er á gólfi og sjálfvirkur hurðaopnari. Skráð stærð á bílskúrnum er 34,9 m2
Geymsla: Inn af bílskúrnum er á teikningum stúkuð af um 8 m2 geymsla en veggurinn hefur ekki verið settur upp. . 
Herbergi nr.1: Á hæðinni er eitt barnaherbergi með parketi á gólfi og tvöföldum fataskáp. 
Baðherbergi nr.1: Á hæðinni er auka baðherbergi með sturtuklefa, salerni og vaski. Gráar flísar eru á gólfi og á veggjum. í dag er opið á milli baðherbergisins og þvottaherbergisins en auðvelt er að skipta rýmunum upp aftur í tvö eins og teikningar sýna. 
Þvottaherbergi: Inn af baðherberginu er rúmgott þvottaherbergi með gráum flísum á gólfi og mjög góðri hvítri innréttingu þar sem vélar eru í vinnuhæð með skúffum undir og efri skápum. Vinnuvaskur og vinnuborð er við hliðina á vélunum í innréttingunni. 
Miðhæð:
Komið er upp steyptan stiga frá forstofurýminu á miðju pall hússins. 
Sjónvarpshol: Komið er upp í stórt sjónvarpshol með fallegum 60 x 60 cm flísum á gólfi. Sjónvarpsholið er einskonar miðja eignarinnar þar sem leiðin liggur þaðan upp á efsta pallinn og að alrýminu. Frá holinu er gengið út á veröndina á bak við hús sem er sérlega skjólsæl og snýr til suðurs, lagt er fyrir heitum potti á veröndinni. Auðvelt er að bæta við svefnherbergi þar sem holið er í dag ef þörf er á. 
Herbergi nr.2: Stórt barnaherbergi er hægra megin við sjónvarpsholið. Herbergið er 16,2 m2 með parketi á gólfi og tvöföldum fataskáp. 
Herbergi nr.3: Mjög stórt hjónaherbergi er vinstra megin við sjónvarpsholið. Hægt er að ganga út úr hjónaherberginu út á veröndina á bak við húsið. Herbergið er 20 m2 með parketi á gólfi og sérlega góðum fataskáp með miklu skápaplássi. 
Efri hæð: 
Gengið er upp á efri hæðina frá sjónvarpsholinu. Komið er upp í stórt alrými með mikilli lofthæð og glæsilegum útsýnisgluggum. 
Alrými: Setustofa, Borðstofa og Eldhús.
Setustofa + borðstofa: Setustofa og borðstofa eru saman í opnu rými með eldhúsinu. Mikil lofthæð er í stofunni og stórir gluggar. Eikarparket er á gólfi og útgengt er út á svalir. Fallegur horngluggi er í borðstofunni sem vísar í áttina yfir að Elliðavatninu. 
Eldhús: Eldhúsið er rúmgott með miklu skápaplássi. Hvít innrétting er í vinkil með neðri skápum + stór eyja sem skilur á milli eldhúss og borðstofu. Mikið vinnupláss er bæði við innréttingu og á eyjunni. 
Baðherbergi nr.2: Rúmgott baðherbergi er á hæðinni. Gráar flísar eru á gólfi og hvítar flísar eru á veggjum. Stór hvít innrétting með tveimur vöskum er undir spegli. Bæði er baðkar og sturta í rýminu. 
Herbergi nr.4: Gott barnaherbergi er á hæðinni með parketi á gólfi og tvöföldum fataskáp. 

Um er að ræða frábært fjölskylduhús í barnvænu og góðu skólahverfi þar sem stutt er í einstakar náttúruperlur og gönguleiðir. 

Allar nánari upplýsingar veitir Berglind Hólm lögg.fasteignasali í síma 694-4000 eða [email protected]