804, Selfoss

Áshildarmýri, kílhraun - Lóðir

2.900.000 KR
Lóð
5000 m 2

YFIRLIT

  • Tegund Lóð
  • Stærð 5000 M²
  • Herbergi 0
  • Stofur 0
  • Svefnherbergi 0
  • Baðherbergi 0
  • Inngangur Sér
  • Byggingarár 0
  • Lyfta Nei
  • Bílskúr NEI

LÝSING

Opið hús: 24. október 2021 kl. 14:00 til 16:00.

Tek á móti áhugasömum á milli kl.14 & 16. Hafið samband í síma 774 1477.

REMAX & HERA BJÖRK Lgf. KYNNIR: 

Fallegar sumarbústaðarlóðir (eignalóðir) í grónu landi til sölu ca.75km frá Reykjavík.
Einstök náttúrufegurð blasir við í allar áttir og ca. 10 mínútna akstur er í næstu þjónustukjarna sem eru Selfoss, Flúðir og Laugarás.


** VINSAMLEGAST SMELLIÐ HÉR FYRIR UPPLÝSINGAR & TIL AÐ BÓKA TÍMA Í SKOÐUN **

Lóðirnar eru frá hálfum og upp 1 hektara að stærð og eru staðsettar í Kílhrauni við Áshildarmýri á Suðurlandi.
Heitt og kalt vatn, rafmagn, sími og ljósleiðari að lóðamörkum
Verð frá 2,3 milljónun (5.000 fm) til 3,9 milljónum króna (8.200 fm).
Mögulegt er að semja um greiðslukjör og lán á hagstæðum kjörum.

Landið er kjörið fyrir heilsárbyggð og á svæðinu í heild hafa verið skipulagðar 73 frístundalóðir og eru þær allar eignalóðir.
Langflestar lóðirnar við Áshildarveg hafa fengið búseturétt og þar má því byggja allt að 350 fm hús + 60 fm bílskúr/geymsluhúsnæði. 
Allar lóðirnar við Kílhraunsveg eru frístundahúsalóðir og er þar leyfilegt að byggja allt að 200 fm hús og til viðbótar 25 fm gestahús og/eða geymsluhúsnæði.
Ekki er leyfilegt að kyrrsetja hjólhýsi á lóðunum nema tímabundið meðan unnið er að byggingu sumarhúss. 
Allir vegir eru tilbúnir og landið afgirt. Á svæðinu er aðgangur að 3ja fasa rafmagni, heitu og köldu vatni og ljósleiðaratengingu.

Nánar um svæðið:
Áshildarmýri er í Skeiða- og Gnúpverjahreppi. Frístundabyggðin er í nokkra mínútna akstri frá Selfossi og í næsta nágrenni við margar af helstu náttúruperlum landsins s.s. Þingvelli, Laugarvatn, Kerið, Gullfoss og Geysi.
Fjölbreytt afþreying er í boði í nágrenni svæðisins og má þar nefna golfvelli, sundlaugar, veiðisvæði, en alla þjónustu má nálgast á Selfossi sem er aðeins í 10 mínútna fjarlægð frá svæðinu.
Ægifagur fjallahringur blasir við af landinu sem er allt gróið og kjörið til ræktunar.

Lausar lóðir - sjá kort á meðfylgjandi myndum. ATH! Þær lóðir sem eru fráteknar má einnig skoða og taka samtal um: 
Kílhraunsvegur 2, 5.900 fm2, verð: 2.900.000 - SELD 
Kílhraunsvegur 3, 9.200 fm2, verð: 3.200.000 - SELD
Kílhraunsvegur 5, 9.100 fm2, verð: 3.200.000 - SELD 
Kílhraunsvegur 7, 9.000 fm2, verð: 3.200.000 
Kílhraunsvegur 9, 9.000 fm2, verð: 3.200.000 
Kílhraunsvegur 11, 9.200 fm2, verð: 3.200.000 
Kílhraunsvegur 22, 7.600 fm2, verð: 2.900.000 
Kílhraunsvegur 38, 6.000 fm2, verð: 2.900.000 - SELD 
Kílhraunsvegur 44, 8.000 fm2, verð: 3.500.000 - FRÁTEKIN 
Kílhraunsvegur 46, 8.100 fm2, verð: 3.600.000 - SELD
Kílhraunsvegur 48, 8.100 fm2, verð: 3.600.000 - SELD

HVAÐ ER ÁSHILDARMÝRI?
Áshildarmýri er sögustaður og forn samkomustaður neðarlega á Skeiðum.  Ólafur tvennumbrúni nam Skeiðin skv. Landnámu.  Kona hans var Áshildur.  Að Ólafi látnum lagði Þorgrímur örrabeinn hug á hana en sonur hennar, Helgi, var á móti ráðahagnum.  Hann sat fyrir Þorgrími fyrir neðan Áshildarmýri og drap hann. 
Áshildarmýri er í dag skipulögð blönduð byggð sumarhúsalóða og búsetulóða. Þar hafa verið selda lóðir og byggð sumarhús í um áratug og enn eru einhverjar eftir og áhugavert að kynna sér fyrir þá sem hafa hug á slíku. Í Áshildarmýri er hitaveita og þ.a.l. nóg af heitu vatni fyrir ábúendur. Auk þess er kalt vatn, 3ja fasa rafmagn og ljósleiðari að lóðamörkum. Í miðju svæðissins stendur skógrækt Árnesingafélagsins í Reykjavík og þar stendur fallegt minnismerki um Áshildarmýrarsamþykktina sem gerð var 1496.
Áshildarmýrarsamþykktin 1496 sneri að því að grípa til nauðsynlegra ráðstafana til verndar réttindum sem Íslendingar höfðu tryggt sér með Gamla sáttmála. Þarna bundust Árnesingar jafnframt samtökum um að hrinda af sér hvers konar yfirgangi og órétti af hendi erlendra og innlendra umboðsmanna konungsvaldsins. Árnesingar komu saman að Áshildarmýri á Skeiðum, og var tilefnið yfirgangur Lénharðs fógeta og fleiri valdamanna í héraðinu. Fyrir áhugasama er HÉR linkur á útvarpserindi sem lesið var upp um samþykktina í maí 1944 og birt var í ÞJÓÐVILJANUM

HVAR ER ÁSHILDARMÝRI?
Áshildarmýri er í ca. klukkustundar akstri frá Reykjavík, austur af Selfossi á leið upp á Flúðir. Skiltin verða vel merkt með blöðrum og fánum!

Allar nánari upplýsingar veitir Hera Björk,  Löggiltur fasteignasali í s: 774-1477 eða á [email protected]

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8% af heildarfasteignamati hjá einstaklingum.
2. Stimpilgjald af kaupsamningi - 1,6% af heildarfasteignamati hjá lögaðilum.
3. Þinglýsingargjald af kaupsamningi, veðskuldabréfi, veðleyfi og fl. 2.500 kr. af hverju skjali.
4. Lántökugjald lánastofnunar - samkvæmt gjaldskrá lánastofnunar.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill því REMAX skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.