YFIRLIT

LÝSING

Remax kynnir í einkasölu: Virkilega fallegt 157,2 fm. einbýlishús við sjávarsíðuna með einstöku útsýni á góðum stað við Stekkjarhvamm 9b í Búðardal.  Húsið er á tveimur hæðum auk kjallara og skiptist í fjögur svefnherbergi, tvö baðherbergi, rúmgóða stofu og eldhús. Þvottahús er í kjallara ásamt geymslum.  Stór timburverönd er umhverfis húsið, stór gróinn garður og næg bílastæði fyrir framan hús.      

Staðsetningin er einstök og mikið útsýni yfir Hvammsfjörð sem iðar af lífi, selir og einstakt fuglalíf. Sólsetrið er tilkomumikið og falleg norðurljós yfir vetrartímann. 

**BÓKIÐ EINKASKOÐUN**  Nánari upplýsingar gefur Guðrún Lilja Tryggvadóttir, löggiltur fasteignasali í síma 867-1231, [email protected]

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

Nánari lýsing neðri hæð:  Gengið er inn í forstofu með fatahengi, þaðan eru tröppur upp á efri hæð og í kjallara.  Í alrými er eldhús með fallegri hvítri innréttingu, helluborði, bökunarofni og ísskáp.  Borðstofa og stofa rúmgóð og með útgengt út á timburverönd með fallegu útsýni yfir hafið. Í alrými eru stórir og bjartir gluggar.  Baðherbergi er með sturtubaðkari, hvítri/málaðri innréttingu með spegli og stórum opnanlegum glugga.
Nánari lýsing efri hæð:  Tvö svefnherbergi eru á efri hæð ásamt opnu rými sem nýtt hefur verið sem vinnuaðstaða, þaðan er einnig einstaklega fallegt sjávarútsýni.  Salerni á efri hæð. Þar sem hluti efri hæðar er undir súð þá er gólfflötur töluvert stærri en uppgefnir fm. hjá Fasteignaskrá.
Nánari lýsing kjallari:  Tvö svefnherbergi eru í kjallara ásamt þvottahúsi og stór geymslurými. Ekki er full lofthæð í kjallara.
Garður og lóð: Garðurinn er stór og gróinn og næg bílastæði eru fyrir framan hús. Undir palli er töluvert geymslurými og einnig er innangengt þar í kjallara hússins.  Eignin stendur á 1.092,0 fm. leigulóð.

Húsið hefur verið í útleigu og er með leyfi fyrir heimagistingu, svo ýmsir tekjumöguleikar eru fyrir hendi.  Hluti innbús getur fylgt kaupum/samkomulag. Sjá eignina og ummæli á airbnb með því að smella hér.

Frárennslislagnir undir húsinu voru endurnýjaðar 2021. Rafmagn var endurnýjað að hluta af fyrri eiganda.
Móða er í hluta glerja í húsinu og þarfnast endurnýjunar og glugga þyrfti að pússa upp og mála.
Þakrennur þyrfti að yfirfara og endurnýja að hluta.

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 4. Umsýslugjald til fasteignasölu kr. 69.900 mvsk.