YFIRLIT

LÝSING

RE/MAX og Salvör Davíðs löggiltur fasteignasali kynnir í einkasölu: Einstaklega fallegt og sjarmerandi einýlishús með stórum bílskúr í gamla bænum í Keflavík með fallegum og skjólsælum garði með timburverönd, heitum potti, skjólveggjum og huggulegri útigeymslu. Húsið var byggt árið 1999 og bílskúrinn árið 2008. Í dag er húsið tvær íbúðir plús bílskúr en hægt er að opna aftur á milli hæðanna og vera þá með 5 svefnherbergja einbýli.
Allar upplýsingar veitir -  Salvör Davíðs, lgf. í 844-1421 eða [email protected]

** SMELLTU HÉR og þú færð SÖLUYFIRLIT SAMSTUNDIS **

** SMELLTU HÉR og skoðaðu EIGNINA í 3-D, þrívíðu umhverfi.**

* Í húsinu eru í dag tvær íbúðir með sér innganga en hægt að opna á milli og gera eina íbúð með 5 svefnherbergjum.
* Stór og góður bílskúr með 2 inngöngum og rafdrifinni bílskúrshurð.
* Heitur pottur á skjólsælum sólpalli í bakgarðinum.
* Garðhús sem er ekki inni í heildarfermetrum.
* Fallegir gluggar eru í húsinu í gamla stílnum
* Stór heimkeyrsla með snjóbræðslu

Eignin er skráð skv. Þjóðskrá Íslands 196,5 fm og samanstendur af íbúðarrými (146,6 fm) og góðum bílskúr (49,9 fm). Búið er að útbúa tvær íbúðir í íbúðarrýminu sem eru þá í dag aðalhæð og efri hæð (85,9 fm) og jarðhæð (60,7 fm).
Aðalhæð og efri hæð (ris) (85,9 fm) samanstanda af eldhúsi, borðstofu, stofu, baðherbergi, anddyri, holi og 2 svefnherbergjum. Efri hæðin (ris) er að hluta til undir súð og eru því gólffermetrar fleiri en skráðir fermetrar. 
Neðri hæðin (60,7 fm) samanstendur af eldhúsi, borðstofu, stofu, svefnherbergi, baðherbergi, holi og anddyri. 
Bílskúrinn (49,9 fm) er frístandandi og rúmgóður með hita í gólfi, rafmagni, köldu vatni, geymslulofti yfir hluta bílskúrs (óskráð) og góðri hellulagðri heimkeyrslu með snjóbræðslu. Bílskúrshurð er rafdrifin og tvær inngangshurðar eru í bílskúrinn.  Í bílskúr er tengi fyrir þvottavél og þurrkara.
Umhverfi hússins er allt hið snyrtilegasta. Viðhaldsléttur garður með steinum, góðri timburverönd með skjólgirðingu, heitum potti, markísu og garðhúsi (ekki inni í fm) fyrir grill og húsgögn umlykur húsið. Snjóbræðsla er  i innkeyrslu og stétt við inngang .

NÁNARI LÝSING

ÍBÚÐ I
Aðalhæðin - 55,7 fm:
Inngangur: Gengið er upp flísalagðar tröppur. Snjóbræðsla í aðkomu að tröppum.
Anddyri / hol: Málaðar flísar á gólfi og opið inn í stofu. Úr andyri er farið upp timburstiga upp á efri hæðina / risið.
Eldhús, borðstofa, stofa: Eru saman í opnu og björtu rými með glugga á 4 vegu. Veggur aðskilur hluta af stofu frá eldhúsi.
Eldhús: Viðarinnrétting með flísum á milli skápa og eyja með helluborði, bakaraofni og smekklegum háf með ljósi. Tvöfaldur ísskápur fylgir.
Baðherbergi: Er með baðkari, sturtu, upphengdu salerni, innréttingu með vask, aukaskáp, máluðum flísum á gólfi og vegg að mestu og glugga með opnanlegu fagi.
Þvottaaðstaða: í bílskúr er tengi fyrir þvottavél og þurrkara.
Gólfefni: Nýlegt harðparket og ljósar flísar.

Efri hæðin - 30,2 fm (að hluta til undir súð og eru gólf fermetrar fleiri en skráðir fermetrar):
Hol / stigapallur: Úr anddyri / holi neðri hæðar er komið upp timburstiga í opið og bjart hol með kommóðum
Herbergi I: Mjög rúmgott og bjart og er hurð að hluta til undir súð.
Herbergi II: Rúmgott og bjart 

ÍBÚÐ II
Jarðhæð - 60,7 fm (sér íbúð í dag):
Inngangur: Gengið er niður tröppur og inn í anddyri.
Anddyri: Flísar á gólfi og þar er líka tengi fyrir þvottavél og þurrkara.
Hol: Úr anddyri er komið inn í gott hol og þaðan farið í önnur rými eignarinnar.
Eldhús / stofa / borðstofa (áður 2 herbergi): Saman í opnu og björtu ýrmi með gluggum á 2 vegu.
Eldhús: Nýleg innrétting með efri og neðri skápum, bakaraofn og glugga með opnanlegu fagi.
Baðherbergi: Endurnýjað um 2020 og er með walk-in sturtu með innbyggðum blöndunartækjum, upphengdu salerni, góðum innréttingum, flísum á gólfi, gólfhiti, Fibo-plötum á vegg og glugga með opnanlegu fagi.
Svefnherbergi: Rúmgott og bjart með opnum fataskáp.
Gólfefni: Nýlegt harðparket og flísar

Bílskúrinn - 49,9 fm:
Bílskúrinn var byggður árið 2008 og er frístandandi og rúmgóður með hita í gólfi, rafmagni, köldu vatni, geymslulofti yfir hluta bílskúrs (óskráð) og góðri hellulagðri heimkeyrslu með snjóbræðslu. Bílskúrshurðin er rafdrifin og við hlið hennar er inngangshurð. Á hlið bílskúrsins er önnur inngangshurð og tveir gluggar og er annar þeirra með opnanlegu fagi. Búið er að gera ráð fyrir salerni í bílskúrnum og þvi auðvelt að breyta í íbúðarhúsnæði, skrifstofu eða gott hobbýherbergi. 
Í bílskúr er tengi þvottavél og þurrkara og notar ÍBÚÐ I þá þvottaaðstöðu.

Lóð / Garður: Fallegur og viðhaldsléttur garður með steinum, góðri timburverönd með skjólgirðingu, heitum potti, markísu og garðhúsi fyrir grill og útihúsgögn sem er ekki inni í heildarfermetrum eignarinnar. Búið er að girða af lóðina að mestu leiti með smekklegri timburgirðingu. Heimkeyrslan og aðkoma að báðum sér inngöngunum er hellulögð og með snjóbræðslu. Búið er að útbúa fallegt timburgerði utan um sorptunnur og þar sem er ekki hellulagt eða timburverönd eru steinar eða hellur.

Allar nánari upplýsingar um eignina veitir Salvör Þóra Davíðsdóttir löggiltur fasteignasali í síma 844-1421 eða [email protected]

======================================================================

Vegna mikillar eftirspurnar vantar allar tegundir eigna á skrá. Hafið samband og ég mun verðmeta eign þína þér að kostnaðarlausu.

Um skoðunar- og aðgæsluskyldu kaupenda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill því RE/MAX skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi er af heildarfasteignamati - Einstaklingar 0,8% - Fyrstu kaupendur 0,4% - Lögaðilar 1,6%.
2. Þinglýsingargjald af kaupsamningi, veðskuldabréfi, veðleyfi og fl. 2.700 kr. af hverju skjali.
3. Lántökugjald lánastofnunar - almennt 45-75 þús.kr. sjá nánari upplýsingar um gjaldskrá á heimasíðu lánastofnanna.
4. Umsýslugjald til fasteignasölu 69.900 kr. m.vsk